Crear grupo en Gmail

Para manter os contactos ordenados dentro da nosa conta de Gmail podemos crear grupos e situalos dentro dos mesmos de xeito que os teñamos clasificados. Así poderiamos ter un contacto curso dentro do que gardemos ós contactos da xente que participa na mesma clase ca nós. Un contacto pode aparecer dentro de varios grupos.

En primeiro lugar temos que ir ós contactos facendo click sobre o enlace "Contactos" que figura na columna da esquerda.


Pulsamos no enlace "Grupo Nuevo" que aparece na columna da esquerda.


Ábrese unha ventana na que temos que insertar o nome do grupo, nós chamarémoslle "curso".

A continuación pulsamos o botón aceptar e mostraranos unha mensaxe na parte superior indicando que o grupo foi creado.


Ademáis, na columna da esquerda figura o grupo que se acaba de crear.

Para engadir alguén a ese grupo temos que visualizar primeiro os contactos (facendo click sobre o enlace da columna da esquerda co mesmo nome).


Escollemos primeiro un dos contactos facendo click no cadro de selección que está a esquerda do nome en negrita, nós engadiremos a Telecentro ó grupo curso.

A continuación, no botón "Grupos" situado na parte superior facemos click para que mostre o listado dos grupos e selecionamos o grupo curso para que o contacto "Telecentro" que estamos a editar sexa agregado a ese grupo.

Para que a operación se efectúe, despois de ter seleccionado o grupo curso hai que pulsar no enlace que figura na parte inferior da lista, "Aplicar".

Unha mensaxe na parte central superior da pantalla indica que foi engadido ó grupo.

Además, á dereita do contacto figura sobre un botón con letra en verde o nome do grupo.

Outro xeito de engadir un contacto a un grupo é editando ó propio contacto.

Dende a lista facemos click sobre o nome do contacto ou sobre a dirección de correo para que se abra a ventana de edición dos contactos.


Unha vez na ventana de edición do contacto, facemos click sobre o botón "Grupos" que figura na parte superior e na lista que mostra seleccionamos aquél en que queiramos metelo e pulsamos en Aplicar (que figurará como último elemento da lista en canto efectuemos algún cambio).


Cando é incluido, ademáis da mensaxe sobre fondo amarelo que aparece na parte superior, indicando que se engadiu ó grupo, a carón da imaxe e baixo o nome do contacto figuran os grupos nos que se meteu.


Na columna da esquerda, a carón do nome do grupo "curso" figura, entre parénteses o número de contactos engadidos nese grupo, neste caso 1 porque só foi engadido Telecentro (de momento).

Segindo os pasos anteriores podemos clasificar tódolos nosos contactos e facilitaremos a tarefa de envío de mensaxes a colectivos. Así, se cando estamos a redactar un correo na dirección do destinatario poñemos o nome de grupo, o servidor incluirá as dirección de tódolos contactos dese grupo para que poidan recibir esa mensaxe.

Ata a próxima. Un saúdo.