Mensaxe a varios destinatarios

Enviar unha mensaxe a múltiples destinatarios é tan doado como facelo a unha soa persoa.
Pulsamos o botón redactar para que se abra o formulario de envío de mensaxe.


A carón da etiqueta "Para:" situamos o cursor dentro do cadro de texto e escribimos a dirección de correo electrónico do destinatario da mensaxe.


Se a dirección está entre os nosos contactos nin será necesario escribila na súa totalidade, a medida que o escribimos, suxeriranos, na parte inferior a dirección completa dos nosos contactos.


Para engadir máis contactos basta con escribir unha coma despois do último, deixar un espacio en branco e a continuación poñer outra dirección máis. Se desexamos incluir outro, procedemos do mesmo xeito: unha coma, un espacio en branco e a nova dirección.


No caso de termos un grupo creado (AAA, con tres contactos), e que ese grupo tivese contactos no seu interior, podemos escribir o nome do grupo.


Será o servidor de correo quen sustitue o nome do grupo pola lista de tódolos contactos aforrándonola tarefa de ir incluindo as direccións de unha en unha.


Neste caso vémolas vantaxes de termolos contactos clasificados por grupos.


O resto do procedemento é o habitual; darlle título á mensaxe, e redactalo seu contido. Despois pulsar o botón enviar.


Ata a próxima. Un saúdo.