Eliminar blog

Un blog créase para que funcione coma un libro de bitácora dun capitán de navío. Nel imos anotando de xeito metódico aquilo que ocorre durante o trancurso da viaxe, o estado da nave, a situación, o estado da tripulación e todos aqueles datos que poidan resultar de interese.

Para os que non somos marinos, pero navegamos por internet, o blog representa un xeito de manter actualizadas e ordenadas esas noticias que imos publicando habitualmente sobre un determinado tema que sexa do noso interese. Pero se só creamos o blog como resultado do exercicio de clase e non temos interese en mantelo, tamén o podemos eliminar.

Para borrar un blog temos que entrar primeiro na área de configuración. Accedemos ó noso blog e dende o escritorio, pulsamos sobre o enlace configuración.


Dentro de configuración, na pestaña básico temos o apartado "herramientas de blog" que nos permite importar, exportar ou eliminar un blog.

Pulsamos sobre o enlace "suprimir blog" e aparecenos a seguinte pantalla onde confirmaremos a eliminación do mesmo pulsando sobre o botón de cor laranxa "Suprimir este Blog"

E feito isto, o noso blog deixará de estar publicado.